Üç istiqamət üzrə vahid qiymətləndirmə

İmtahan ixtisas bilikləri, qanunvericilik və İKT bacarıqları üzrə iştirakçının bilik səviyyəsini qiymətləndirir.

1. İmtahan müvafiq ixtisas, qanunvericilik və İKT suallarından ibarətdir.
2. İştirakçıya ixtisas üzrə 30, qanunvericilik və İKT üzrə isə hər birindən 15 sual olmaqla, ümumilikdə 60 suala cavab vermək tələb olunur.
3. Hər sualın düzgün cavabı 1 balla qiymətləndirilir. Yanlış və cavablandırılmamış suallar 0 balla qiymətləndirilir.
4. İmtahana başlamaq üçün imtahan pəncərəsində uyğun xanaya FİN kodunuzu daxil edib “İmtahana başla” düyməsini basmaq lazımdır.
5. İştirakçının adı və imtahan istiqaməti FİN koduna əsasən avtomatik müəyyən olunur.
6. İmtahanın davametmə müddəti 90 dəqiqədir (1 saat 30 dəqiqə).
7. Hər sual üzrə yalnız bir cavab variantı seçilə bilər.
8. İştirakçı “Əvvəlki” və “Növbəti” düymələri ilə suallar arasında keçə bilər.
9. Sual nömrələrindən istifadə etməklə istənilən suala keçmək mümkündür.
10. Bölmələr arasında sərbəst keçid etmək olar.
11. Cavablandırılmış suallar ayrıca işarələnir və fərqli rəngdə ekranda göstərilir.
12. “İmtahanı bitir” düyməsi 60-cı suala çatdıqda göstərilir.
13. Vaxt bitdikdə imtahan avtomatik yekunlaşdırılır. Ekranın yuxarı sağ küncündə imtahanın bitməsinə qalan vaxt göstərilir.
14. İmtahan bitdikdən sonra nəticə sistemdə qeydə alınır və yekun bal ekranda göstərilir.